இந்தியன் 2 திரைப்படத்தின் புதிய அப்டேட் புகைப்படங்களுடன் வைரலாகி வருகிறது.
Indian 2 movie shooting update viral:
கோலிவுட் திரை உலகில் உலக நாயகனாக வலம் வருபவர் நடிகர் கமல்ஹாசன். மாபெரும் ரசிகர் பட்டாளத்தையே கொண்டுள்ள இவர் விக்ரம் திரைப்படத்தின் வெற்றியைத் தொடர்ந்து ஷங்கர் இயக்கத்தில் உருவாகி வரும் ‘இந்தியன் 2’ திரைப்படத்தில் தீவிரமாக நடித்து வருகிறார்.
இதில் கமலுடன் இணைந்து காஜல் அகர்வால், பிரியா பவானி சங்கர், சித்தார்த், காளிதாஸ் ஜெயராம் உள்ளிட்ட பல முன்னணி பிரபலங்கள் முக்கிய கதாபாத்திரங்களில் நடித்து வருகின்றனர். பெரும் எதிர்பார்ப்புகளுக்கு மத்தியில் உருவாகி வரும் இப்படத்தின் படப்பிடிப்பு தாய்வானில் நடைபெற்றுக் கொண்டிருந்தது.
இந்நிலையில் தாய்வானில் நடைபெற்று வந்த படப்பிடிப்பு நிறைவடைந்துள்ளதாக தகவல் வெளியாகி உள்ளது. மேலும் இதனை தொடர்ந்து இந்தியன் 2 படகுழு அடுத்த கட்ட படப்பிடிப்பிற்காக சவுத் ஆப்பிரிக்கா செல்ல இருப்பதாகவும் தகவல் வெளியாகியுள்ளது. மேலும் இயக்குனர் ஷங்கர் மற்றும் நடிகர் கமல்ஹாசனின் புகைப்படங்களும் இணையத்தில் வைரலாகி வருகிறது.
