நடிகர் தனுஷின் கேப்டன் மில்லர் திரைப்படம் குறித்த அப்டேட் வெளியாகியுள்ளது.
இந்திய திரை உலகில் பிரபலம் முன்னணி நடிகராக வலம் வருபவர் நடிகர் தனுஷ். இவரது நடிப்பில் திருச்சிற்றம்பலம் திரைப்படத்தின் வெற்றியைத் தொடர்ந்து வெங்கி அட்லூரி இயக்கத்தில் தமிழ், தெலுங்கு என இரண்டு மொழிகளிலும் நேரடியாக கடந்த மாதம் வெளியான வாத்தி திரைப்படமும் 100 கோடிக்கு மேல் வசூல் செய்து பிளாக்பஸ்டர் ஹிட் அடித்து இருந்தது.
இதனைத் தொடர்ந்து நடிகர் தனுஷ் தற்போது அருண் மாதேஸ்வரன் இயக்கத்தில் உருவாகி வரும் கேப்டன் மில்லர் திரைப்படத்தில் பிஸியாக நடித்து வருகிறார். பல முன்னணி நடிகர்கள் இணைந்து நடித்து வரும் இப்படத்தின் படப்பிடிப்பு தீவிரமாக நடைபெற்று வரும் நிலையில் ஏற்கனவே ஆவலுடன் காத்திருக்கும் ரசிகர்களை உற்சாகப்படுத்தும் வகையில் புதிய அப்டேட் வெளியாகி வைரலாகி வருகிறது. அதன்படி கேப்டன் மில்லர் திரைப்படம் இந்த ஆண்டு தீபாவளி பண்டிகைக்கு வெளியிட படக்குழு திட்டமிட்டு இருப்பதாக கூறப்படுகிறது.
