Dear Comrade song postponed :
டியர் காம்ரேட் படத்தின் இரண்டாவது பாடல் நாளை மறுநாள் வெளியாகும் என அறிவிக்கப்பட்டுள்ளது.
அர்ஜுன் ரெட்டி என்ற ஒரே படத்தின் மூலம் தமிழ் ரசிகர்களையும் கவர்ந்தவர் விஜய் தேவரகொண்டா.
அதைத்தொடர்ந்து வெளியான கீத கோவிந்தம் திரைப்படம் தமிழகத்தில் அவருக்கு முன்னணி நடிகர்களுக்கு இணையான மிகப்பெரிய மார்கெட்டை உருவாக்கி தந்தது.
என்.ஜி.கே படத்தின் ரன்னிங் டைம் இதுதான் – வெளிவந்த உறுதியானத் தகவல்!
குறிப்பாக அப்படத்தில் இவருடன் சேர்ந்து நடித்த ராஷ்மிகாவுக்கும் இவருக்கும் காதல் என்பது போன்ற வதந்திகளும் பரவியது.
இதை உறுதிபடுத்தும் விதமாக தற்போது டியர் காம்ரேட் படத்திலும் இவர்கள் இணைந்து நடித்து வருகின்றனர்.
இவர்கள் இணைவதாலே இப்படத்திற்கு பெரியளவில் எதிர்பார்ப்பு உருவாகி வருகிறது. இந்நிலையில் நேற்று வெளியாகவிருந்த இப்படத்தின் இரண்டாவது பாடல் தற்போது நாளை மறுநாள் வெளியாகும் என அறிவிக்கப்பட்டுள்ளது.
மேலும் கிரிக்கெட் விளையாடியதால் ஏற்பட்ட வலியில் படக்குழு ஓய்வெடுத்து வருவதாகவும் அதனால்தான் பாடல் வெளியீட்டில் தாமதம் ஏற்பட்டதாவும் கூறப்பட்டுள்ளது.
முன்னதாக மே 31-ம் தேதி வெளியாகும் என அறிவித்த இப்படம் தற்போது ஜுலை 26-ம் தேதிதான் வெளிவரும் என்று அதிகாரப்பூர்வமாக அறிவிக்கப்பட்டுள்ளது. மேலும் அண்மையில் இதன் படப்பிடிப்பும் நிறைவு பெற்றது.