தனுஷின் கேப்டன் மில்லர் திரைப்படத்தின் மேக்கிங் வீடியோவை படகுழு வெளியிட்டுள்ளது.
தென்னிந்திய திரை உலகில் உச்ச நட்சத்திரமாக திகழ்பவர் நடிகர் தனுஷ். இவர் தற்போது ராக்கி, சாணிக்காகிதம் உள்ளிட்ட படங்களை இயக்கி பிரபலமான இயக்குனர் அருண் மாதேஸ்வரன் இயக்கத்தில் உருவாகும் ‘கேப்டன் மில்லர்’ திரைப்படத்தில் நடித்து வருகிறார். ஆக்சன் திரில்லர் திரைப்படமாக உருவாகி வரும் இப்படத்தில் தனுஷ் உடன் இணைந்து பிரியங்கா மோகன், சிவராஜ்குமார், ஜான் கொக்கேன், சந்தீப் கிஷன் உள்ளிட்ட பல முன்னணி பிரபலங்கள் முக்கியமான கதாபாத்திரத்தில் நடித்து வருகின்றனர்.
சத்யஜோதி பிலிம்ஸ் தயாரிப்பில் உருவாகி வரும் இப்படத்திற்கு ஜிவி பிரகாஷ் குமார் இசையமைத்து வருகிறார். ரசிகர்கள் மத்தியில் மிகுந்த எதிர்பார்ப்புகளுடன் உருவாகி வரும் இப்படம் குறித்த முக்கிய அப்டேட் இன்று மாலை 5 மணிக்கு வெளியாக இருப்பதாக படக்குழு அண்மையில் தெரிவித்திருந்தது. இதனால் மிகுந்த ஆர்வத்துடன் காத்துக் கொண்டிருந்த ரசிகர்களுக்கு படக்குழு தற்போது கேப்டன் மில்லர் திரைப்படத்தின் மிரட்டலான மேக்கிங் கிளிம்ப்ஸ் வீடியோவை வெளியிட்டுள்ளது. அது தற்போது ரசிகர்களின் கவனத்தை ஈர்த்து இணையத்தில் வைரலாகி வருகிறது.
