முதல் நாள் வசூலில் ரஜினி படத்திற்கு இணையாக அஜித்தின் படம் மாஸ் காட்டியுள்ளது.
Billa 2 Movie Collection Record : தமிழ் சினிமாவில் முன்னணி நடிகராக வலம் வருபவர் தல அஜித். இவரது நடிப்பில் வெளியாகி மாபெரும் வெற்றி பெற்ற திரைப்படம் பில்லா.
ரஜினி நடிப்பில் வெளியான பில்லா படத்தின் அதிகாரப்பூர்வ ரீமேக் படமான இந்தப் படத்தை இயக்குனர் விஷ்ணுவர்தன் இயக்கி இருந்தார்.
பில்லா திரைப்படம் மாபெரும் வெற்றி பெற்றதைத் தொடர்ந்து இந்த படத்தின் இரண்டாம் பாகமும் உருவானது. ஆனால் இரண்டாம் பாகத்தை விஷ்ணுவர்தனுக்கு பதிலாக சக்ரி டோலட்டி என்பவர் இயக்கியிருந்தார்.
பில்லா பட வெற்றியின் காரணமாக இந்த படத்திற்கு எக்கச்சக்க எதிர்பார்ப்பு நிலவியது. வெளியான முதல் நாளே தமிழகத்தில் ரூபாய் 9.5 கோடி வசூலை பெற்றது.
குறிப்பாக சென்னையில் உள்ள மாயாஜால் தியேட்டரில் மட்டும் ஒரே நாளில் 100 காட்சிகள் திரையிடப்பட்டன. ஆனால் பில்லா படத்தை போல பில்லா 2 ரசிகர்களிடையே வரவேற்பை பெறவில்லை. தோல்வியை தான் தழுவியது.
இருப்பினும் அப்போது வெளியான சூப்பர் ஸ்டார் ரஜினிகாந்தின் எந்திரன் படத்திற்கு அடுத்ததாக முதல் நாளில் மாபெரும் வசூல் வேட்டை ஆடியது பில்லா-2 படமாக தான் இருந்தது என்பது குறிப்பிடத்தக்கது.
