வாரிசு படத்தின் இசை வெளியீட்டு விழா குறித்த தகவல் வெளியாகி உள்ளது.
தமிழ் சினிமாவின் முன்னணி நடிகராக வலம் வருபவர் தளபதி விஜய். பீஸ்ட் திரைப்படத்தை தொடர்ந்து இவரது நடிப்பில் வாரிசு என்ற திரைப்படம் தமிழ் மற்றும் தெலுங்கு என இரண்டு மொழிகளில் உருவாகி வருகிறது. படத்தை தில் ராஜு தயாரிக்க வம்சி இயக்கி வருகிறார். மேலும் இந்த படத்திற்கு தமன் இசையமைக்கிறார்.
இந்த திரைப்படத்தில் நாயகியாக ராஷ்மிகா மந்தனா நடிக்க பிரபு, சரத்குமார், குஷ்பூ, சங்கீதா, சம்யுக்தா, ஜெயசுதா, யோகி பாபு, நடிகர் சாம், ஸ்ரீகாந்த், பிரகாஷ்ராஜ் என பலர் முக்கிய கதாபாத்திரங்களில் இணைந்து நடித்து வருகின்றனர்.
வாரிசு படத்திற்கு கண்டிப்பாக இசை வெளியீட்டு விழா போன்ற நிகழ்ச்சிகள் நடக்கும் என சொல்லப்பட்டது. இந்த நிலையில் தற்போது இந்த படத்தின் இசை வெளியீட்டு விழா வரும் டிசம்பர் நான்காம் தேதி அல்லது 11ஆம் தேதி நடைபெற வாய்ப்புகள் இருப்பதாக தகவல்கள் வெளியாகி உள்ளன.
இதனால் தமிழ் மற்றும் தெலுங்கு என இரண்டுக்கும் தனித்தனியாக இசை வெளியீட்டு விழா நடக்குமா அல்லது இரண்டிற்கும் சேர்த்து ஒரே இடத்தில் இசை வெளியீட்டு விழா நடக்குமா என்ற கேள்வி ரசிகர்கள் மத்தியில் எழுந்துள்ளது.