வானில் பறந்து கொண்டு துணிவு படத்திற்கு செய்யப்பட்ட பிரமோஷன் வீடியோவை படக்குழு வெளியிட்டுள்ளது.
ரசிகர்கள் மத்தியில் தல என்று அன்போடு அழைக்கப்பட்டு வருபவர் நடிகர் அஜித் குமார். இவரது நடிப்பில் வினோத் இயக்கத்தில் தயாராகி இருக்கும் துணிவு திரைப்படம் வரும் பொங்கல் பண்டிகைக்கு வெளியாக உள்ளது. பல முன்னணி நட்சத்திரங்கள் இணைந்து நடித்திருக்கும் இப்படத்தை போனி கபூர் தயாரித்துள்ளார்.
ஜிப்ரான் இசையில் உருவாகி வரும் இப்படத்தில் இருந்து 3 பாடல்கள் அண்மையில் வெளியாகி ரசிகர்கள் மத்தியில் நல்ல வரவேற்பை பெற்று வருகிறது. இந்நிலையில் துணிவு படத்தின் ப்ரோமோஷன் வீடியோ ஒன்றை படக்குழு வெளியிட்டுள்ளது. அதன்படி ஹெலிகாப்டரில் இருந்து கீழே குதித்த வீரர் ஒருவர் பாராசூட்டில் பறந்தபடி துணிவு படத்தின் பேனரை பிடித்துக்கொண்டு பறக்கும் வீடியோவை இப்படத்தில் வெளிநாட்டு உரிமையை வாங்கி இருக்கும் லைக்கா நிறுவனம் வெளியிட்டுள்ளது. மேலும் அதில் வரும் டிசம்பர் 31 ஆம் தேதி ஸ்பெஷல் அப்டேட் ஒன்று வெளியாக இருப்பதை பதிவிட்டு அன்று துணிவு நாள் என்றும் குறிப்பிட்டு வெளியிட்டு இருக்கிறது. இந்த வியக்க வைக்கும் வீடியோ ரசிகர்கள் மத்தியில் வைரலாகி வருகிறது.
