அஜித் 62 படத்தின் அறிவிப்பை தொடர்ந்து அடுத்த படத்தின் அறிவிப்பு வெளியாக இருப்பதாக தகவல் கிடைத்துள்ளது.

Ajith 63 Announcement Details : தமிழ் சினிமாவில் முன்னணி நடிகராக வலம் வருபவர் அஜித் குமார். இவரது நடிப்பில் வெளியான வலிமை திரைப்படம் ரசிகர்கள் மத்தியில் நல்ல வரவேற்பை பெற்று வருகிறது. இந்தப் படத்தைத் தொடர்ந்து மீண்டும் வினோத் இயக்கத்தில் போனி கபூர் தயாரிப்பில் உருவாக உள்ள அஜித் 61 என்ற படத்தில் நடிக்க உள்ளார்.

இதனைத் தொடர்ந்து லைக்கா நிறுவனத்தின் தயாரிப்பில் விக்னேஷ் சிவன் இயக்கத்தில் உருவாக உள்ள அஜித் 62 படத்தில் நடிக்க ஒப்பந்தமாகியுள்ளார் அஜித் குமார். இந்த படத்தின் அதிகாரப்பூர்வ அறிவிப்பு கடந்த வாரம் வெளியானது.

அஜித் கைவசம் 2 படங்கள் இருக்கும் நிலையில் அஜித் 63 படம் பற்றிய தகவல் கசிந்துள்ளது. இந்த படத்தை சிறுத்தை சிவா இயக்கி இருப்பதாகவும் சன் பிக்சர்ஸ் நிறுவனம் தயாரிக்க இருப்பதாகவும் தகவல்கள் வெளியாகி உள்ளன.

அதுமட்டுமில்லாமல் இப்படத்தில் நடிகர் வடிவேலு முக்கிய கதாபாத்திரத்தில் நடிப்பார் என சொல்லப்படுகிறது. ஒருவேளை அஜித் வடிவேலு கூட்டணி உறுதியானால் ராஜா படத்திற்கு பிறகு இந்த கூட்டணி மீண்டும் இணைய உள்ளது என்பது குறிப்பிடத்தக்கது.

இந்த படம் பற்றிய அதிகாரபூர்வ அறிவிப்பும் சில தினங்களில் வெளியாக இருப்பதாக சமூகவலைதளங்களில் தகவல்கள் உலா வரத் தொடங்கியுள்ளன.

Mohan Krishnamoorthy is one of the senior staff at Kalakkal Cinema, He has been working in the Tamil Entertainment industry for almost a decade. He has been instrumental in gathering and reviewing our content.