நடிகை குஷ்பூ வாரிசு திரைப்படத்தில் தான் நடித்திருக்கும் கதாபாத்திரம் குறித்த தகவலை பகிர்ந்திருக்கிறார்.
தமிழ் சினிமாவில் முன்னணி நடிகராக விளங்கி வருபவர் தளபதி விஜய். இவரது நடிப்பில் தெலுங்கு இயக்குனர் வம்சி இயக்கத்தின் தமிழ் மற்றும் தெலுங்கு என இரண்டு மொழிகளில் உருவாகியுள்ள திரைப்படம் வாரிசு. வரும் 2023 பொங்கலுக்கு வெளியாக உள்ள இந்த படத்தில் மற்ற திரை பிரபலங்களுடன் இணைந்து நடிகை குஷ்பூ ஒரு ரோலில் நடித்திருக்கிறார்.
இந்நிலையில் இப்படத்தில் தனது கதாபாத்திரம் குறித்து நடிகை குஷ்பூ பகிர்ந்து இருக்கும் தகவல் வைரலாகி வருகிறது. அதில் அவர், தன்னுடைய கதாபாத்திரம் பெரிய கதாபாத்திரம் அல்ல, சிறிய கேமியோ ரோலில் தான் நடித்திருப்பதாக அவர் கூறியுள்ளார். மேலும் தான் நடித்துள்ள காட்சிகள் அனைத்துமே விஜய் உடன் சேர்ந்து வரும் காட்சிகள் தான் என்றும் குஷ்பூ பகிர்ந்திருக்கிறார். இவர் பகிர்ந்து உள்ள இந்த சுவாரசியமான தகவல் இணையத்தில் வைரலாகி வருகிறது.
