சந்திரமுகி 2 படத்தில் மொத்தம் ஐந்து ஹீரோயின்கள் இணைந்து நடிக்க உள்ளதாக தகவல் வெளியாகியுள்ளது.

தமிழ் சினிமாவில் பிரபல நடிகராக வலம் வருபவர் சூப்பர் ஸ்டார் ரஜினிகாந்த். இவரது நடிப்பில் வெளியாகி மிகப்பெரிய வெற்றியை பெற்ற திரைப்படம் சந்திரமுகி.

முதல் பாகத்தின் வெற்றியைத் தொடர்ந்து இரண்டாவது பாகம் விறுவிறுப்பாக உருவாகி வருகிறது. பி வாசு இயக்கம் இந்த படத்தில் சூப்பர் ஸ்டார் ரஜினிகாந்த்துக்கு பதிலாக ராகவா லாரன்ஸ் நடிக்கிறார்.

மேலும் வடிவேலு இந்த படத்தில் மிக முக்கிய கதாபாத்திரத்தில் நடித்துக் கொண்டிருக்கிறார். இந்த நிலையில் இந்த படத்தில் லட்சுமி மேனன் நாயகியாக நடிக்கப் போவதாக தகவல் வெளியாகி உள்ளது.

அதுமட்டுமல்லாமல் இந்தப் படத்தில் மேலும் 4 நாயகிகள் நடிக்க உள்ளதாக தகவல் கிடைத்துள்ளது. அதாவது சுபிக்ஷா, ஸ்ருஷ்டி டாங்கே, மகிமா நம்பியார் மற்றும் மஞ்சு வாரியர் என மேலும் நான்கு நடிகைகள் இந்த படத்தில் நடிப்பதாக தெரிய வந்துள்ளது.

ஐந்து ஹீரோயின்களுடன் உருவாகி வரும் சந்திரமுகி 2 படத்தின் மீதான எதிர்பார்ப்பு ரசிகர்கள் மத்தியில் அதிகரித்துள்ளது. அப்படி யார் யார் எந்தெந்த கதாபாத்திரத்தில் நடிக்கப் போகிறார்கள் என ரசிகர்கள் கேள்வி எழுப்பி வருகின்றனர்.

Mohan Krishnamoorthy is one of the senior staff at Kalakkal Cinema, He has been working in the Tamil Entertainment industry for almost a decade. He has been instrumental in gathering and reviewing our content.