டிராபிக் ராமசாமி - திரை விமர்சனம்

June 22, 2018


இளைய தளபதி விஜய்யின் தந்தை எஸ் ஏ சந்திரசேகரன் கதையின் நாயகராக விஜய் சேதுபதி, டிராபிக் ராமசாமி எனும் டைட்டில் ரோலில் நடிக்க, நட்சத்திர பிரபலங்கள் விஜய் ஆண்டனி, பிரகாஷ்ராஜ், சீமான், ஆர்.கே.சுரேஷ், சேத்தன், இமான் அண்ணாச்சி, மனோபாலா, மதன் பாப், சூப்பர்குட் சுப்பிரமணி, குஷ்பூ, அம்பிகா, ரோகிணி, கஸ்தூரி, அம்மு, பத்திரிகையாளர் தமிழ் மகன் உள்ளிட்டோரில் சிலர் கெஸ்ட் ரோலிலும்,


டிராபிக் ராமசாமி - திரை விமர்சனம்




Tik Tik Tik Movie Review


பலர், படம் முழுக்க வரும் பெஸ்ட் ரோலிலும் நடிக்க, விக்கியின் எழுத்து, இயக்கத்தில், சமூக ஆர்வலர் டிராபிக் ராமசாமியின், வாழ்க்கையை மையச்கருவாக கொண்டு உருவாகி வந்திருக்கும் சமூக அக்கறை படம் தான் "டிராபிக் ராமசாமி."

அத்துமீறும் அரசியல்வாதிகளையும், அதிகார பலம் காட்டும் அதிகார வர்க்கத்தையும், எதிர்த்து. அநீதிக்கு எதிராக தொடர்ந்து குரல் கொடுப்பதோடு மட்டுமின்றி, அடிக்கடி கோர்ட் படிகளையும் ஏறும்... சமூக ஆர்வலர் டிராபிக் ராமசாமியின் வாழ்க்கையில், எதிராளி களால், எதிர்பாராமல் நடந்த, இன்னமும் நடந்து வரும்... இன்னல்களே இப்படத்தின் கதையும் களமும். காட்சிப்படுத்தலும் கூட...

கதையின் நாயகராக, டிராபிக் ராமசாமி எனும் கதாநாயகராக வரும் எஸ் ஏ சந்திரசேகரன், இதுவரை தான் நடித்த படங்களில் இருந்து முற்றிலும் மாறுபட்ட பாத்திரத்தில், "420 களை ஒழிக்கும் வரை 120 வருஷம் உயிரோடு இருப்பேன்..." என வைராக்கியமாக பேசுவதில் தொடங்கி, பல மனித உயிர்களை குடித்த மீன்பாடி வண்டிகளுக்கு எதிராக உயிரையும் பணயம் வைத்து வெல்வது வரை சகலத்திலும் சக்கை போடு போட்டிருக்கிறார் சபாஷ்!

பாசமாக பேத்தியை கொஞ்சுவதிலாகட்டும் மனைவி ரோகிணியை ""ருக்கு.. ருக்கு.... கிவ் மீ எ லுக்கு..." என கா கர குரலில் பாடி சமாதானம் செய்வதிலாகட்டும், தன்னால் குடும்ப உறுப்பினர்களுக்கு பிரச்சினை வேண்டாம் என குடும்பத்தை விட்டு கிளம்புவதிலாகட்டும் உடன் வரும் மனைவியின் உயிரை காக்க போராடுவதிலாகட்டும், ஒவ்வொரு காட்சியிலும் எஸ்.ஏ.சி அந்த பாத்திரமாகவே வாழ்ந்திருக்கிறார் என்பது படத்திற்கு பெரிய பலம்!

"ஒன்மேன் ஆர்மி" எனும் ஒரு போராளியின் சரித்திரம் புத்தகத்தை படித்து டிராபிக் ராமசாமியின் சரித்திரத்தை படம் முழுக்க படித்து தெரிந்து கொள்ளும் நட்சத்திர பிரபலமாக ஒரு காட்சியில் ராமசாமி எஸ் ஏ சியை அடி உதையில் இருந்து காப்பாற்றும் நடிகராகவே விஜய் ஆண்டனி, நேர்மையான போலீஸ் கமிஷ்னராக பிரகாஷ்ராஜ், டிராபிக் ராமசாமியை ஆரம்ப காட்சியில் வாழ்த்தி பேசும் சீமான், திருந்தி.


Tik Tik Tik Tamil Review


டிராபிக் ராமசாமிக்கு உதவி உயிரை விடும் ஆர்.கே.சுரேஷ், மருமகன் சேத்தன், மேயர் இமான் அண்ணாச்சி, நீதிபதி. மனோபாலா வக்கில்கள் லிவிங்ஸ்டன், மதன் பாப், டிராபிக் கான்ஸ்டபிள் சூப்பர்குட் சுப்பிரமணி ஆரம்ப காட்சியில் மட்டும் வந்து போகும் குஷ்பூ, நீதிபதியா கலந்து பண்ணும் அம்பிகா, எஸ் ஏ சியின ஆசை மனைவியாக வரும் ருக்கு - ரோகிணி, மீன்பாடி வண்டியால் பாதிக்கப்ட்ட கஸ்தூரி, மகள்அம்மு, "ஒன்மேன் ஆர்மி" புத்தக வெளியீட்டில்.


ஆரம்ப காட்சியில் பேசும் பத்திரிகையாளர் தமிழ் மகன் உள்ளிட்ட ஒரு சில கெஸ்ட் ரோல்களும், படம் முழுக்க வரும் மற்ற பல பெஸ்ட் ரோல்களும் இப்படத்திற்கு கூடுதல் மகுடம் சூடியுள்ளனர். வாவ்!

பிரபாகரின் படத்தொகுப்பில் முதியவர் டிராபிக் ராமசாமி ஓவராக அடி, உதை படும் காட்சிகளின் நீளம் சற்றே குறைக்கப்பட்டிருக்கலாம். மற்றபடி, படத்தொகுப்பில் பெரிதாக பழுதில்லை!

குகன் எஸ்.பழனியின் ஒளிப்பதிவில் பெரிதாய் குறையேதுமில்லை.

பாலமுரளி பாலுவின் இசையில், "ஆயிரம் பவுர்ணமிகள்...." "சோர்ந்திடாதே தடைகளைப் பார்த்து....", "ராமசாமி கில்லாடி ராமசாமி...." உள்ளிட்ட பாடல்களும் பின்னணி இசையும் படத்திற்கு வலு சேர்த்துள்ளன.

விக்கியின் எழுத்து, இயக்கத்தில், சமூக ஆர்வலர் டிராபிக் ராமசாமியின், வாழ்க்கை வரலாற்று கதையம்சம் கொண்ட இப்படத்தில், ஒப்பனிங்கில், புகையிலைக்கு எதிரான. முழுக்கத்தில், டிராபிக் ராமசாமியின் ஒரிஜினல் குரலை பதிவு செய்திருப்பதிலேயே இயக்குனரின் க்ரியேட்டீவ் திறமை பக்காவாக பளிச்சிடுகிறது!

மேலும் "வாழ்க்கை என்பது நீ சாகும் வரை அல்ல.... மற்றவர் மனதில் நீங்கா இடம் பிடித்திருக்கும் வரை, " உள்ளிட்ட வசனங்களிலும் பலே சொல்ல வைக்கிறது!

எனினும், முதியவர் டிராபிக் ராமசாமி ஓவராக அடி, உதை படும் காட்சிகளின் நீளம் பெரும் உறுத்தல். மற்றபடி, டிராஜிடியான ஒரு போராளியின் லைப் ஹிஸ்டரியை போரடிக்காத வகையில் கமர்ஷியலாக படமாக்சியிருப்பதில் ரொம்பவே ஜெயித்திருக்கின்றனர் இப்பட இயக்குனர் விக்கியும், நாயகர் எஸ்.ஏ.சியும் என்றால் மிகையல்ல!

ஆக மொத்தத்தில், "டிராபிக் ராமசாமி' - 'ஜெயிக்கும் சாமி!"

Rating: 2.75/5