"பயமா இருக்கு" - திரை விமர்சனம்

"பயமா இருக்கு" - திரை விமர்சனம்

September 22, 2017


சந்தோஷ் பிரதாப், ரேஷ்மி மேனன், கோவை சரளா, பரணி, லொள்ளு சபா ஜீவா, 'செம்புலி'ஜெகன், மொட்டை ராஜேந்திரன்.... உள்ளிட்ட பெரும் நட்சத்திர பட்டாளம் நடிக்க, "வசந்தம் பிலிம்ஸ்" தயாரிப்பில், ஜவஹரின் எழுத்து, இயக்கத்தில் முமு நீள சஸ்பென்ஸ், ஹாரர் & காமெடி டிராமாவாக வந்திருக்கும் திரைப்படம் தான் "பயமா இருக்கு."


bayamairukku movie review



BayamaIrukku Movie English Review


இலங்கையை பூர்வீகமாக கொண்ட தன் காதல் மனைவிரேஷ்மி மேனனின் பேறு காலத்தில் அவரது தாய் தந்தை அவர் அருகில் இருக்க வேண்டுமென கருதி மனைவி ரேஷ்மியை வாயும் வயிறுமாக நாகர்கோயில் மார்த்தாண்டத்தில் தனது சொந்த வீட்டில் வாயும் வயிறு மாக விட்டு விட்டு ரேஷ்மியின் பெற்றோரைத் தேடி, யாழ்பாணம் ஜாப்னா செல்கிறார் ஹீரோ சந்தோஷ் பிரதாப்.


BayamaIrukku Movie Tamil Review


அங்கு ரேஷ்மியின் பெற்றோர் தற்போது உயிரோடு இல்லை.. என்பதை தெரிந்து கொண்டு ஊர் திரும்ப இருக்கும் வேளையில், அங்கு உச்சகட்டத்தில் இருக்கும் போரில் சிக்கிக் கொள்ளும் சந்தோஷ் பிரதாப், சந்தேகத்தின் பேரில், இலங்கை இராணுவத்திடம் மாட்டிக் கொண்டு சாக இருக்கும் இந்திய - தமிழர்கள் பரணி, லொள்ளு சபா ஜீவா, 'செம்புலி'ஜெகன், மொட்டை ராஜேந்திரன்.... நால்வரையும் காப்பாற்றி தானும் கள்ளத்தோணி வாயிலாக கரை சேரந்து ஊர் திரும்புகிறார்.

நால்வருடன் ஐவரான நண்பர்கள் ஐவரும் இங்கு, இந்தியா வருவதற்குள் சந்தோஷ் பிரதாபின் மனைவி ரேஷ்மி பிரசவ காலத்தில் பிறந்த குழந்தையுடன் அகால மரணமடைந்திட, அவரது ஆன்மா மட்டும் கணவரின் வருகைக்காக காத்திருக்கிறது.

ஊர் திரும்பிய சந்தோஷ், மனைவி உயிரோடு இருப்பதாக கருதி அவரோடு சந்தோஷமாக வாழ ஆரம்பிக்க, மனைவியின் ஆவியுடன் வாழும் நண்பர் சந்தோஷ் பிரதாப் பாலும் அவரது ஆவி மனைவி ரேஷ்மியாலும் சங்டத்திற்கு ஆளாகும் நண்பர்கள், நண்பனை ஆவியிடம் இருந்து மீட்டார்களா? இல்லை ஆவியிடம் மாட்டிமாண்டார்களா..? எனும் கதையை விழுந்து, விழுந்து சிரிக்கும் படி காமெடியாகவும், கலர்புல்லாகவும் சொல்லியிருக்கிறது "பயமா இருக்கு" மொத்தப் படமும். களமும்.

ஆசைமனைவி இறந்து போனதை அறிந்திருந்தும், தெரிந்திருந்தும் அவருடன் அதாகப்பட்டது அவரது ஆன்மாவுடன் வாழும் அவதார புருஷனாக(?) சந்தோஷ் பிரதாப், தன் பாத்திரத்திற்கேற்ற கணம் காட்டி நடித்து அசத்தியிருக்கிறார். சபாஷ்.


கதாநாயகியாக ரேஷ்மி மேனன், ஆரம்ப காட்சியில் அடை மழையில் பிரசவ வலியில் துடிப்பதில் தொடங்கி, இறுதி காட்சியில் கணவனை பிரிய மனமின்றி பிரிவது வரை சகலத்திலும் சைலன்ட்டாக கோல் போட்டிருக்கிறார். பேஷ் பேஷ்.

பிற நட்சத்திரங்களில் ஆவி, பேயை ஓட்டும் மாதாஜியாக, ஆவி அகிலாண்டா மாகவும் டெவில் தேவிகாவாகவும் கோவை சரளா வழக்கம் போலவே வாழ்ந்திருக்கிறார். நாயகரின் நண்பர்களாக பரணி, லொள்ளு சபா ஜீவா, 'செம்புலி'ஜெகன், உள்ளிட்ட பெரும் நட்சத்திர பட்டாளத்தில் மாதாஜி சரளாவின் மந்திர அரிசி யை புறாவுக்கு போட்டுவிட்டு, கோவை சரளாவிடம் உதைபடும் மொட்டை ராஜேந்திரன்.... தொடங்கி ஒரு சீனில் இவர்தான் பேயோ? என ரசிகனை சந்தேகப்பட வைக்கும் அளவிற்கு நடித்திருக்கும் பரணி வரை சகலரும் கச்சிதம்.

கமலக்கண்ணனின் படத்தொகுப்பு, பக்கா தொகுப்பு. மேலும், மகேந்திரனின் ஒளிப்பதிவு மிரட்டும் ஒவியப்பதிவு என்றால், இசைஞர் சி.சத்யாவின் பின்னணி இசைபேய் படத்திற்கு ஏற்ற மிரட்டல் என்றால், "உன்னை எதிர்பார்த்தேன்....", "யூ ஆர் மை ஏஞ்சல்லு... "ஆகிய பாடல்கள் இப்படக் கதைக்கு ஏற்ற பாமாலைக்காவியங்கள் எனலாம்.

ஜவஹரின் எழுத்து, இயக்கத்தில் முமு நீள சஸ்பென்ஸ், ஹாரர் & காமெடி டிராமாவாக வந்திருக்கும் "பயமா இருக்கு" திரைப்படத்தை லாஜிக் - மேஜிக் பார்க்காமல். "நிஜப் பேய பார்த்து மேக்-அப்... போட் பொய் பேய் பயந்து தான்பா ஓடும்...", "நாம செத்தாலும் நல்ல பேய் பிரண்ட் இருக்கணும்...", "என் மனைவி செத்தாலும் எங்கள் காதல் சாகவில்லை..." என்பது உள்ளிட்ட காமெடி டயலாக்குகளுக்காகவும், சீரியஸ் பேய் சீன்களுக்காகவும், ரசிகர்கள் ரசிக்கப் போனால், நிச்சயம், ஒரு இரண்டேகால் மணி நேரம் வாய் விட்டு சிரித்து, நோய் விட்டுப் போக வீடு திரும்பலாம்!

ஆக மொத்தத்தில், "பயமா இருக்கு' - 'இன்னொரு முறை பார்க்கலாம் போல இருக்கு!"

Rating: 2.75/5